Панфилов уремыште канализаций коллекторым капитально олмыктымо лиеш
Йошкар-Олаште илыше- влаклан кӱлешан увер. Панфилов уремыште Первомай урем деч тӱҥалын Чайкинан икымше изуремже марте ужашыште канализаций коллекторым капитально олмыктымо лиеш. Кызыт коллектор аварийный улеш. Олмыктымо паша «Коммунал инфраструктурым модернизироватлымаш» федерал программе почеш у йӧн дене ышталтеш: тошто пуч кӧргыштӧ у пучым ыштат, вара нунын коклаште кодшо яра вержым лӱмын ыштыме материал дене темат. Тидыжат кӱлешан: пучым уэмдымаш вӱд йогыным чарыде шукталтеш. Тиде капитально олымктымаш канализаций системылан чарныде ӱшанлын пашам ышташ йӧным пуа да вӱдым йоктарен колтымо пашан лектышыжым кугемда. Тыге кӱлешан оласе инфраструктурын качествыже да ӱшанле улмыжо пеҥгыдемеш.
Фото: Йошкар-Ола администраций.
Фото: Йошкар-Ола администраций.
