Ушкалым эн сайын лӱштышӧ- влак Советский районышто пашам ыштат
Ушкалым эн сайын лӱштышӧ- влак Советский районышто пашам ыштат. У Торъял посёлкышто Россий кӱкшытан телымсе ял спорт модмашын регионысо йыжыҥже лийын. Таҥасымашын программышкыже ече дене таҥасымашым, полиатлоным, шахмат ден шашкым, спорт еш- влакын таҥасымашыштым, ушкал лӱштышӧ ден механизатор- влакын троеборьештым пуртымо. Мероприятийыште куд районын командыже участвоватлен. Общекомандный зачётышто сеҥышыш Советский районын командыже лектын, кокымшо верым Медведево районын командыже налын, У Торъя район- кумшо лийын. Механизатор- влакын троеборьештышт эн сайлан ӱдырамаш- влак коклаште У Торъял район гыч Алёна Марковам шотлымо, пӧръеҥ- влак коклаште икымше верым Советский район гыч Александр Таныгин, кокымшо верым тушечак Юрий Таныгин, кумшым Медведево район гыч Андрей Сергеев налыныт. Ушкалым лӱштышӧ- влак коклаште пӧръеҥ кокла гыч Советский район гыч Виктор Ельмекеев, ӱдырамаш- влак кокла гыч тушечак Виктория Кузнецова сеҥышыш лектыныт.
Фото: Ял озанлык министерстве.
Фото: Ял озанлык министерстве.
