Сосудистый рӱдер- влак у оборудованийым налыт

Сосудистый рӱдер- влак у оборудованийым налыт
Шӱмын тӱнямбал кечынже Марий Элысе врач- влак сосудистый рӱдер- влакым уэмдыме йодыш дене конференцийым эртареныт. Тиде нылымше погынымаш  Йошкар-Оласе медицина колледжыште лийын. Йодыш пӱсын шога. Молан манаш гын, шӱм да вӱргорно чер деч колышо-влакын чотышт эн шуко, манаш лиеш. Погынышо- влак йодышым тӱрлӧ велымат каҥашеныт. Мутлан, «Тазалыкаралтыш» калыкле проект почеш 2024-ше ийлан вӱргорно чер деч колымаш шӱдӧ тӱжем еҥлан шотлымаште 430 случай марте шагалемшаш. Вич ий жапыште Волжскышто да Советский посёлкышто сосудистый рӱдер да пӧлка- влакым у оборудований дене пойдарыман. Тушко 39 деч шагал огыл оборудованийым налаш паледыме. Шукерте огыл Шернурысо эмлыме верыш 58 миллион теҥгелан оборудованийым налме. Погынымаште тыгак инфаркт ден инсульт йодышым, тудын дене черланыше- влакым санаторно-курорт эмлымаш дене авалтыме нерген ойлымо. Спортсмен- влак дене нелылыклан кӧра лийше эҥегек, шӱм да вӱргорным пеҥгыдемдыше упражнений нергенат мутым лукмо.

Прошлые выпуски