ВДНХ-ште Марий Элын стендышкыже мийыше- влаклан пӱнчӧ озымым пӧлекленыт

ВДНХ-ште Марий Элын стендышкыже мийыше- влаклан пӱнчӧ озымым пӧлекленыт
ВДНХ-ште Марий Элын стендышкыже мийыше- влаклан пӱнчӧ озымым пӧлекленыт. Тушто экологий кече эртен. Ончаш мийыше- влаклан викторина да модмаш формат дене чодыра науко дене палдареныт. Пӱртӱс поянлык министерствын специалистше- влак таксаций прибор, чодыра пожарын могай лиймыже, тул пижме годым лӱдыкшыдымылык правилым шуктымо нерген каласкаленыт. Кумылын колыштшо чыла еҥлан пӧлек семын Марий Эл гыч намийыме пӱнчӧ озымым пӧлекленыт. Тудын пелен кузе ончен-кушташ туныктышо памяткым пыштыме. Республикыште пушеҥгым шындыме акцийын координаторжо Александра Гнутова «Кузе чын чодырам шындыман» теме дене туныктышо видеокурсым эртарен. Тудым эртымеке, тестын йодышыжлан чын вашештет гын, сертификатым налаш лиеш ыле. Фото: Пӱртӱс поянлык министерстве.

Прошлые выпуски