Йошкар-Олаште илыше еҥын иномаркыжым парымжылан кӧра арестоватленыт
Йошкар-Олаште илыше еҥын иномаркыжым парымжылан кӧра арестоватленыт. Суд пристав службо виктемыште пӧръеҥ шотышто 28 исполнительный производство погынен. Тудо ГИБДД- штрафше- влакым тӱлен огыл, кредит парымжымат пӧртылтен огыл. Парымже 290 тӱжем теҥгем эртен. Суд пристав пашаеҥ- влак тудын погыжым терген лектыныт. Хавал эйч 6 машинаже улмым рашемденыт. Кроссоверым регистрироватлыме шотышто нимомат ышташ огыл манын пунчалым луктыныт. Озан илыме верыште машинам верешташ лийын огыл. Сандене машинан данныйжым ГИБДД-ш пуэныт. Но судын решенийжат, ни молат парымым пӧртылташ кумылаҥден кертын огытыл. Вашке транспортын кушто улмыжым кугыжаныш автоинспекций пашаеҥ- влак пален налыныт. Суд пристав машинан кушто улмо верышкыже миен да машинам арестоватлен, парыман еҥлан транспортым ответственный аралымашке пуэныт. Лу кече жапыште машина оза парымжым ок пӧртылтӧ гын, транспортым аклаш да ӧкым ужалымашке луктыт.- увертара суд пристав службо виктемын пресс-службыжо.
