Республикыштына чоҥен шуктыдымо йоча кочкыш заводым ужалат
Республикыштына чоҥен шуктыдымо йоча кочкыш заводым ужалат. Тудым ынде кокымшо гана ужалаш толашат. Тиде гана акшым куд пачаш шулдештарыме. Марий Элын Правительствыже регионысо кугыжаныш погым аукционышто ужален приватизироватлаш пунчалын. Официальный документ почеш чоҥен шуктыдымо «Емыж да саска негызеш йоча кочкышым талукышто ныл тӱжемат 400 тонн нарым лукшо заводым» 138 миллионат 865 тӱжем теҥгеш аклыме. Приватизаций условий дене келшышын сделкым ышташ кугыжаныш пого министерствылан кӱштымӧ. Икымше гана тиде предприятийым 2023-шо ийын октябрьыште 845 миллионат 820 тӱжем теҥгелан ужалаш тӧчымӧ ыле.
Фото: ВНД.
Фото: ВНД.
