Йошкар-Олаште «Российын ечыгорнышкыжо» тӱжем наре еҥ лектын
Йошкар-Олаште «Российын ечыгорнышкыжо» тӱжем наре еҥ лектын. «Корта» тунемме да тренироватлалтме базыште Россий кӱкшытан тӱшка «Российын ечыгорныжо» виш таҥасымаш эртен. Тений тудо Ленинградым фашист блокаде деч пӱтынек утарымылан 80 ий теммылан пӧлеклалтын. Таҥасымаште профессионал спортсменат, тӱрлӧ ийготан куржталаш йӧратыше- влакат лийыныт. «Уло еш дене» акций кышкарыште 45 еш команде таҥасен. «Российын ечыгорныжо» таҥасымаште сеҥыше- влак тыге вераҥдалтыныт. Вич меҥгыш таҥасымаште 2006-шо ийыште шочшо да самырыкырак ӱдыр- влак коклаште икымше верым Виктория Итаума, рвезе- влак коклаште Александр Тарасов налыныт. 2005-ше ийыште шочшо да кугурак ийготан ӱдырамаш- влак лу меҥгыш таҥасымаште икымше верыш Карина Изнаурова, пӧръеҥ- влак коклаште Никита Ворончихин лектыныт. Эн самырык участник- Степан Зотов, кум ияш, эн опытан таҥасыше- Эдурад Шулепов 86 ияш лийыныт.
Фото: «Марий Элыште спорт».
Фото: «Марий Элыште спорт».
