Ветеран- влак Л-1843 паровозлан Совет Ушемын Геройжо Хаким Хасановын лӱмжым пуаш темлат
Ветеран- влак Л-1843 паровозлан Совет Ушемын Геройжо Хаким Хасановын лӱмжым пуаш темлат. «Мемнан пашана чын- ме сеҥенна!» Кугу ачамланде сарыште сеҥымылан 79 теммылан пӧлеклалтше торжественный мероприятий тыгай лӱм дене эртен. Тудо Йошкар-Оласе кӱртньӧ корно пашаеҥ- влакын скверыштышт ретропаровоз воктене лийын. Тудыжым тисте да гирлянде- влак дене сӧрастарыме улмаш. Тушко кӱртньӧ корно-ветеран- влак, Марий Элыште «Российын курымашлык полкшо» российысе мер толкынын самырык- влак штабшын, мер патриот организацийлан еҥышт, оласе калык погыненыт. «Йошкар-Ола» кӱртньӧ корно станцийын ветеран- влак советше ола администрацийыш темлымаш дене лектын: чапкӱ-паровозлан Совет Ушемын Геройжо Хаким Хусаинович Хасановын лӱмжым пуаш. Тудо Морко районышто шочын, школым тунем пытарыме деч вара кӱртньӧ корнышто пашам ыштен. Сарыште пулемёт расчётым вуйлатен. Вуйым пыштымекыже Герой лӱмым пуымо. Тудын лӱмжым Йошкар-Оласе ик урем нумалеш.
Фото: Михаил Винокуров.
Фото: Михаил Винокуров.
