Волжск олаште «Тазалык поезд» акций тӱҥалтышым налын
Волжск олаште «Тазалык поезд» акций тӱҥалтышым налын. Оласе «Горгаз» микрорайоныш кусныл коштшо медицина комплекс- влак толыныт да Шестаков ден Прохоров урем ушнымаште кум шагат пашам ыштеныт. Икымше автобусышто флюорограф ден маммограф верланен, кокымшо транспортышто тӱрлӧ медицина процедуро- влакым эртарыме да терапевт-врач умылтарымаш- влакым пуэн. Волжск олаште илыше- влак тыгай акцийым вигак аклен шуктеныт да приёмыш тазалыкым тергаш миеныт. Тиде эше тӱҥалтыш лекмаш веле, ончылно эше визыт вуча. Акцийым каныш кечылаште эртарат. Сандене пашам ыштыше- влакланат тушко мияш йӧнан. «Тазалык поезд» арняш кок гана, оласе тӱлӧ микрорайонлаште пашам ышташ тӱҥалеш. Тиде гана тудо 19-ше августышто «Лето» ужалкалыме рӱдер воктене 16 гыч 19 шагат марте калыкым вуча.
