Курык марий районышто олмыктымо корным тергыме
Курык марий районышто тений 16 меҥгат 500 метр кужыт автомобиль корным олмыктат. Нуно кум ужашлан шелалтыт. Тиде: Картук-Микрак-Васильсурск, Емешево-Пайскырык-Засурье да Козьмодемьянск- Кугу Сундырь. Нунылан 190 миллион утла теҥге оксам ойырымо. «Марийскавтодор» ден ОНФ-ын еҥже- влак кок корным терген лектыныт. Кугу Сундырьыш кайыме корнышто тӧрлышӧ ужашым шарен пытарыме. Лабраторный тергымашын заключенийже лиеш гын, ӱмбал ужашым опташ тӱҥалыт. Картук-Микрак-Васильсурск корным сайын ыштыме манын палемдыме. Проектыште палемдыме икмыняр сомыл гына ыштышаш кодын. «Марийскавтодорын» еҥже палемден: проектыш кокымшо ий почела ушнена. Тиде корно отрасльлан пеш кугу полыш. Но водитель- влак скоростьым огыт эскере. Сандене корно правилым шуктен шогыман. А ача-ава- влак икшывыштым корнышто шкем кузе кучаш туныктышаш улыт.
