Йошкар-Олан мэрийыштыже телылан ямдылалтме йодышым каҥашыме
Йошкар-Олан мэрийже виктарыше компаний ден ресурсым ситарыше организаций- влакын еҥышт дене вашлиймашым эртарен. Тушто илыме вер фондым телылан ямдылыме да илыме вер да коммунал полышлан жапыштыже тӱлымӧ йодышым каҥашыме. Мэрын икымше алмаштышыже Антон Трудиновын мутшо почеш, 15-ше сентябрь марте тӧнеж- влакын олтымо тургымлан ямде улмышт шотышто паспортым ончен лекташ кӱлеш. Тымарте согласованийыш паспортым ик виктарыше компаний да ик ТСЖ гына конден. Йошкар-Олаште кок тӱжемат 228 шуко пачеран пӧрт уло. Нунын дене 40 виктарыше компаний пашам ышта. Кызыт олтымо тургым тӱҥалме деч ончыч компаний- влакын йӱштӧ жаплан ямде улмышт шотышто йодыш пӱсын шога. Ик тӱҥ йодышыжо ресурсым ситарыше организаций- влак ончылно улшо парымышт. Тыгай парым улмо годым паспортым налаш нелылык лектеш. Икымше ТЭЦ-лан 465 миллион теҥгем тӱлен шуктен огытыл. Тушечын 242 миллионжо виктарыше компанийын, 167 миллионжо калыкын, 11 миллионжо- ТСЖ- влакын.
