Православий йӱлам кучышо- влак кум спасым вашлийыт

Православий йӱлам кучышо- влак кум спасым вашлийыт. Юмылан ӱшаныше- влакын таче Успений пӱтышт тӱҥалын. Тудо кок арня гына шуйна- 27-ше август марте. Тиде пӱтӧ кум спасым ушен шога: таче- Мӱй спас, 19-ше числаште Олма спас, 29-ше кечын Пӱкш спас. Таче Владыка Иоанн Чебоксар оласе Введенский кафедральный соборышто литургийым эртарен. Службо мучашлалтмек чыла храмыште мӱйлан шнуй шӱлышым пуртат.
                  Йошкар-Олаште таче Чарла кремльыште поро йӱлаш савырныше «Мӱй спас» ял озанлык пайрем ярминга почылтын. Тудо кум кече шуйна. Тушко мӱйым да мӱкш сатум ыштен налше, ремесленник, кид-паша мастар, сувенирым ямдылыше- влак сатуштым конденыт. Тиддеч посна ярмингаште саскам да емыжым, чодыра сийым налаш лиеш. Но чер шарлыме лӱдыкшӧ улмылан кӧра, район- влаклан пӧлеклалтше каныме мероприятийже ок эртаралт. Ярмингаш 9 гыч 15 шагат марте мияш лиеш.

Прошлые выпуски