«Йӱшӧ водитель» оперативно-профилактике мероприятий тӱналеш

«Йӱшӧ водитель» оперативно-профилактике мероприятий тӱналеш
              Идалык мучашыште республикыште «Йӱшӧ водитель» оперативно-профилактике мероприятий тӱналеш. Тудо республике мучко 27-ше декабрь гыч 8-ше январь марте шуйна. Идалык тӱналтыш гыч республикысе корнылаште йӱшӧ водитель- влак 110 утла ДТП-м ыштеныт. Тушто 30 наре еҥ ӱмыр лугыч лийын, 150 утла еҥ эмганен. Идалык тӱналтыш гыч кугыжаныш автоинспекций пашаеҥ- влак машинам виктарыме деч тӱжемат пеле утла йӱшӧ водительым кораҥденыт. Тушечын шӱдӧ утла еҥже автоинспектор- влакын кидышкышт ура чонан еҥ- влакын шижтарымыштлан кӧра логалыныт. Оперативно-профилактике мероприятий кышкарыште ДПС экипаж- влак ешаралтыт. Чыла районыштат лӱмын рейд- влак да йӱшӧ водитель- влакым машинам виктарыме  деч кораҥдыме тӱшка мероприятий- влак эртаралтыт.
             Фото: Марий Эл Кугыжаныш автоинспекций.

Прошлые выпуски