Ынде икмыняр кече кундемыштына чатлама йӱштӧ шога

Ынде икмыняр кече кундемыштына чатлама йӱштӧ шога
            Ынде икмыняр кече кундемыштына чатлама йӱштӧ шога. Южо еҥже шоналтыде кид-йолжым, нержым йӱштӧ налмашке шукта. Теве подылшо кум еҥ Йошкар-Оласе эмлыме верыш логалын,- тидын нерген ожог пӧлкам вуйлатыше Эдуард Токтаулов увертарен. Шымше числаште кок еҥым, 8-ше кечын эше ик еҥым кондымо. Иктыже чот кылмыктен, тудын йолжым але кидшым пӱчкын кертыт. Врач тыгай йӱштӧ годым калыклан шокшын чияш да арака деч кораҥаш темла. Йӱштӧ годым алкоголь кугу тушманыш савырна. Тӱҥ шотышто йӱштӧ налме дене эмлыме верыш логалше- влак йӱшӧ лийыныт. Тиддч посна Рошто кечын Йошкар-Оласе травмпунктышко икымше степенян кылмымаш ден эше ныл еҥ миен. Тидыже эн куштылго степень.

Прошлые выпуски