У семӱзар- влакым налме
У Торъял районысо сымыктыш школышто у семӱзар- влакым налме. Эрик Сапаев лӱмеш йоча сымыктыш школлан «Николай Рубинштейн» лӱман кум акустик пианиным, «Юпитер» да «Тула» индеш баяным, тыгак теорий предмет- влакым тунемаш интерактив комплектым налме,- увертара тӱвыра министерстве. Тыгак школ книгагудо у ното сборник- влак дене пойдаралтын. Фондым уэмдымаш тунемше- влаклан у кӱкшытыш нӧлталалташ полша,- тыге шотлат тӱвыра министерствыште.
