Марий Элыште промышленный производствын индексше вич тылзыште 13 утла процентлан кушкын

Марий Элыште промышленный производствын индексше вич тылзыште 13 утла процентлан кушкын
            Марий Элыште промышленный производствын индексше вич тылзыште 13,4 процентлан кушкын. Марий Элым вуйлатыше Юрий Зайцев ден промышленность, экономически вияҥмаш да торговля министр Владимир Халюзин тенийсе вич тылзыште республикын социал-экономик вияҥме показательжым каҥашеныт. Промышленный продукцийым 124 миллиард теҥгелан колтымо. Промышленный производствын индексше кодшо ийысе январь-май дене таҥастарымаште 13,4 процентлан кушкын. Эмым лукмаште кок пачашат пеле гана кушмаш палдырнен, электрон да оптик изделийым иктат пеле гана, автотранспорт средствым, прицепым, полуприцепым 38 наре процентлан, химический вещества ден химический продуктым 18,7 луаш процентлан шукырак лукмо. Агропромышленный комплексыште тений ял озанлык продукцийым 21 миллиардат 200 миллион теҥгелан ыштыме. Тидыже кодшо ийысе тыгаяк жап деч 1,9 процентлан шукырак. Шылым шым наре процентлан, шӧрым 6 утла процентлан, муным 13 процентлан шукырак ыштен налме. Марий Элыште ик миллиард теҥге кугыжаныш полышым кум приоритет корно дене пуымо- шӧрым пуышо вольыкым ашнаш, семеноводствылан да кочкыш сатум лукташлан.
              Социал экономик вияҥдыме индивидуал программым шыҥдарыме дене АПК-ште 655 у пашаверым ыштыме, Республикын бюджетышкыже 449 миллион теҥге налог окса пурен, Шӧрым 49 тӱжем тоннлан шукырак налме. Ушкал чотын шагалеммыжым иземден кертме. 2023-шо ийыште тудо 22-шо ий дене таҥастарымаште тӱжемат 737 вуйлан ешаралтын да тений икымше январьлан 20 тӱжемат 417 вуйыш шуын. Идалык тӱҥалтыш гыч ял озанлык предприятийлаште валовый лӱштыш 91 тӱжем тонн лийын. Тидыже 2023-шо ийысе деч ик пачаш утла шукырак.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски