Профессионал мастарлык шотышто конкурсышто Морко лесничествын командыже эн сай лийын
Профессионал мастарлык шотышто конкурсышто Морко лесничествын командыже эн сай лийын. Чодыра пашаеҥ- влакын кечыщт вашеш, тений тудо 20-шо сентябрьыште палемдалтеш, республикыштына чодыра озанлык дене кылдалтше «Профессий шот дене эн сай- 2026» профессионал мастарлык конкурс эртен Командный зачётышто сеҥышыш Морко лесничествын командыже лектын,- увертара пӱртӱс поянлык министерстве. Конкурсышто кок еҥан 18 команде участвоватлен. Таҥасымаш ныл йыжыҥ дене эртен: чодыра пожарым йӧртымаш, чодыра озанлык меҥгым ямдылен вераҥдымаш, шолып чодырам руымашын эҥгекшым шотлымаш да чодыра квест. Икымше верыш Морко лесничестве лектын, кокымшым Куяр лесничестве налын, кумшо вер Волжский лесничествылан логалын. Чодыра пожарым йӧртымӧ йыжыҥыште Волжский лесничестве гыч Александр Бычков ойыртеалтын. Эҥгекым шотлымаште Морко лесничестве гыч Дмитрий Степанов ончылно лийын.
Фото: Пӱртӱс поянлык министерствын пресс-службыжо.
Фото: Пӱртӱс поянлык министерствын пресс-службыжо.
