Йошкар-Ола воктене вигак вич у урем шочын

Йошкар-Ола воктене вигак  вич у урем шочын
            Йошкар-Ола воктене вигак  вич у урем шочын. Ола округыш пурышо Шоя-Кузнецово ялыште вич у уремым официально пеҥгыдемдыме: Берёзовый, Лунный, Агатовый, Алмазный да Сеҥымаш урем- влак. Тидын шотышто келшыше документеш ола мэрын пашажым шуктышо Антон Трудинов кидпалыжым пыштен. Тиде ятыр мланде участкым (посна илыме верым чоҥашат)  шеледыме квартал нерген ойлалтеш. Лӱмым пуымаш пӧрт- влакын адресыштлан, илыше- влакым регистрироватлаш, почто, коммунал да навигаций сервислан пашам ышташ кӱлеш. Шоя-Кузнецово пытартыш ийлаште чолган кушкеш. Тушто шуко шочшан еш- влакланат мландым ойырымо. Сандене у урем, корно- влак ышталтыт. Шукерте огыл ялыште Дружный, Усадебный, Радужный, Рассветный, Заовражный урем- влак шочыныт. Кызыт нунын деке эше визыт ешаралтын.
           Фото:  Архив

Прошлые выпуски