Йошкар-Ола «Паша Патырлыкым ончыктышо ола» Чап лӱмым налын

Йошкар-Ола «Паша Патырлыкым ончыктышо ола» Чап лӱмым налын
             Российын Президентше Владимир Путин «Сеҥымаш» организационный комитетын заседанийыштыже Йошкар-Олалан «Паша Патырлыкым ончыктышо ола» Чап лӱмым пуэн. Тиде лӱм дене тиде гана чылаже 12 ола палемдалтын. 
             Республикым вуйлатыше Йошкар-Олалан да республикылан тиде событийын кӱлешан улмыжым палемден. «Ветеран- влаклан, тылыште тыршыше- шамычлан да сар жапыште шочшо йоча- влаклан тиде почётан лӱм- нунын тыршымыштым, надырыштым шотеш пыштымаш. Мыланна, Йошкар-Олаште илыше- влаклан,- тиде кугешнымаш да кугу ответственность. Историйнам палаш кӱлеш, йоча, уныка- влаклан оласе калыкын да Марий Элыште илыше- влакын подвигышт нерген шукырак каласкалаш кӱлеш. Тылыште тыршыше да фронтлан мо кӱлешым ситарен шогышо, сар деч вара олам нӧлтыштӧ герой- влаклан тауштена да тачысе кече марте илен шудымо- влакым шарналтена. Нине еҥ- влакын лӱддымылыкышт, пеҥгыдылыкышт да шочмо элым йӧратымашышт деч посна сеҥымаш ок лий ыле. Мемнан обязанностьна- кугуарк тукымын героизмже нерген чыным аралаш, ий да курымла гоч ончыкылык тукымлан пуэн шогышаш да кугу элнан интересшым эре арален шогышаш улына.- каласен Юрий Зайцев. 
             Кугу Ачамланде сар годым Йошкар-Ола элнан тылжын ик тӱн рӱдерышкыже савырнен. Тышке касвел районлаште илыше-шамычым да пӱтынь завод- влакым эвакуироватленыт. 1942-шо ийын декабрьлан олаш куд тӱжем утла еҥым вераҥденыт.. кум кугу предприятий оборона продукцийым лукташ тӱналын: 185-ше номеран завод снаряд ден авиабомбо корпусым луктын, 297-ше номеран завод танк прицел ден зенит дальномерым, 298-ше номеран завод- куснылшо электростанций ден прицелым волгалтарыше приборым луктын. Сар ийлаште  нуно шӱдӧ тужем единице вооружений ден техникым луктыныт.
              Тиддеч посна Йошкар-Олаште пищевой предприятий- влак ышташ тӱналыныт. 1942-шо ийыште витамин заводым ышташ тӱналме. Оласе калык Волжскысо оборонительный рубежым чоҥымаште тыршен, ныл миллион наре теҥге оксам боевой техникым налаш поген.

             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски