Россий Президентын полышкалышыже Андрей Фурсенко калыклан приёмым эртарен
Россий Президентын полышкалышыже Андрей Фурсенко калыклан приёмым эртарен. Тудо видеоконференцкыл йӧн дене йодыш- влаклан вашмутым пуэн. Нунын коклаште Марий Эл гыч еҥынат йодышыжо лийын. Волжскышто илыше еҥ Кугыжанышым вуйлатышын приёмныйышкыжо тулык йоча- влаклан илыме верым ситарыме нерген йодышым колтен. Марий Эл Правительство вуйлатышын икымше алмаштышыже Михаил Васютин президентын полышкалышыжлан увертарен: кызыт тиде категорий еҥ- влаклан илыме верым ситараш Юбилейный уремыште илыме верым налме. Йодшо еҥлан тудым 10-шо октябрьыште ончыктат. Вара пеҥгыдемдыме радам почеш, тудым йодшо еҥлан пуат. Полпредын аппаратше тиде йодышым контрольыш налын.
