Неле илыш саманым сеҥен лекташ социал контракт полша
Неле илыш саманым сеҥен лекташ социал контракт полша. Тачысе кечылан олаште илыше 900 еҥ тыгай контарктым ыштен. Нунын кокла гыч нылытше шке пашажым почын, 130 еҥ уэш тунем лектын, 191 еҥ у пашам муын, молыжо тӱрлӧ корно дене полышым налын. Социал контракт калыклан социал полышым пуышо рӱдер ден илен лекташ ситыше окса деч шагалрак парышым налше- влак коклаште ышталтеш. Мутлан, предприниматель лияш да шке пашам почаш шонымо корно дене социал контарктым ышташ бизес-планым ыштыман, ойырен налме паша корно дене образований лиеш гын, эше сайрак. Тиде корно дене пашам тӱналаш кугыжаныш деч 250 тӱжем теҥге старт капиталым налаш лиеш. Йодмаш дене пайдаланыше эше ик корно- ешартыш шинчымашым налмаш. Ятыр еҥ тымарте парикмахер, маникюр дене мастер, повар, бухгалтер, водительлан тунем лектын. Тунеммашлан тӱлаш 30 тӱжем теҥге ойыралтеш, тиддеч посна лу тӱжемат 500 наре теҥге стипендий тӱлалтеш. Тичмаш уверым 56-63-97 номеран телефон дене социал полышым пуышо рӱдерыште рашемдаш лиеш.
