Йошкар-Оласе «Дружба» стадионышто кудывечысе футболын республике кӱкшытан фестивальже эртен
Йошкар-Оласе «Дружба» стадионышто 2011-ше-2012-шо ийлаште шочшо ӱдыр-рвезе- влак коклаште кудывечысе футболын республике кӱкшытан фестивальже эртен. Мероприятий «Российын вийже» Россий кӱкшытан спорт марафон кышкарыште ынде 8-ше гана лийын. Фестивальыште чыла муниципалитет гыч 13 команде ӱчашен. Погынышо- влакым спорт министр Сергей Мухортов, ола округысо депутат- влак погынымашын депутатше Андрей Болдянкин, «Йоча спорт» партий проектын координаторжо Дмитрий Иванов саламленыт. Первенствын лектышыже почеш ӱдыр- влак коклаште икымше верым Советский посёлко гыч «Советский» команде налын, кокымшо- Звенигово районысо «Красногорский» командылан, кумшо Параньга районысо «Ляжмаринка» командылан логалын. Рвезе- влак коклаште икымше верыште - Медведево район гыч «Витязь», кокымшышто- Звенигово район гыч «Жемчужина», кумшо верыште Совесткий район гыч «Советский» команде улыт. Республикысе йыжыҥыште сеҥыше- влак регионын чапшым Чебоксар олаште Россий йыжыҥыште аралаш тӱналыт.
Фото: Единый Россий.
Фото: Единый Россий.
