Марий Элын туныктымо сферыжым Россий просвещений министерствыште кӱкшын акленыт

Марий Элын туныктымо сферыжым Россий просвещений министерствыште кӱкшын акленыт
             Марий Элын туныктымо сферыжым Россий просвещений министерствыште кӱкшын акленыт. Республикын туныктыш да шанче министрже Лариса Ревуцкая Москошто регионласе туныктыш министерствылан вуйлатышыштын Россий кӱкшытан совещанийыштышт участвоватлен. Совещанийыште тунемме тӧнеж- влакын у тунемме ийлан ямде улмыштым, туныктымо системым вияҥдыме стратегий корнылам, калыкле мессенджерыш «Сферум» туныктымо кумдыкым ушымо йодыш- влакым каҥашыме. Тӱҥ событий семын туныктымо пашаште кӱкшӧ лектышлан Россий просвещений министерствын Чап грамотыжым кучыктымашым шотлыман. Тиде награде дене палемдалтше регион- влак коклаште Марий Элат лийын. Лариса Ревуцкаялан грамотым вице-премьер Дмитрий Чернышенко ден просвещений министр Сергей Кравцов кучыктеныт. Тиде республикыште туныктымо пашам уэмдымашке виктаралтше пашам шуктышо пӱтынь командын акше,- палемден республикысе туныктыш министр.
           Фото: Туныктыш министерстве.

Прошлые выпуски