Вӱд пуч да канализаций озанлык объектлам пужен ышташ да олмыкташ ныл миллиардат 900 миллион теҥгем ойырымо
Республикыштына вӱд пуч да канализаций озанлык объектлам пужен ышташ да олмыкташ ныл миллиардат 900 миллион теҥгем ойырымо. Тений республикыште «Коммунал инфраструктурым модернизироватлымаш» кугу федерал проектым шыҥдараш тӱналме. Проект кышкарыште тений гыч 2027-ше ий марте вӱд пуч да канализаций озанлыкын 19 объектшым пужен ышташ да олмыкташ палемдалтеш. Тений идалык мучаш марте вӱдым ситарыме да вӱдым йоктарен колтымо сетьын вич меҥге утла кужытшым олмыкташ палемдыме. Кызыт Йошкар-Олаште да Козьмодемьянскыште, Килемар, Советский да Волжский районлаште коммунал инфраструктурын вич объектше уэмдалтеш. Морко районышто сетьын ужашыжым капитально олмыктен пытарыме. Кугу тӱткыш Йошкар-Оласе канализацийын очистной сооруженийже- влакым пужен ыштымылан ойыралтеш Кызыт пашан кокымшо йыжыҥжылан контрактым ышташ палемдыме. Мероприятий- влакым тений шыҥдараш ик миллиардат 500 миллион теҥгем ойырымо. Паша график почеш шукталтеш. Проектым шыҥдарыме годым кажне объектлан муниципалитетын администрацийже мутым куча.
Фото: Олег Коротков / "ВП"-н архивше.
Фото: Олег Коротков / "ВП"-н архивше.
