Самырык- влакын республике кӱкшытан «МолодЙошка» форумышт эртен
«Авангард» военно-патриот шуарыме рӱдерыште самырык- влакын республике кӱкшытан «МолодЙошка» форумышт эртен. Тудо 18 гыч 35 ияш марте 200 чолга еҥым чумырен. Иктешлымылан пӧлеклалтше торжественный мероприятийште Республикым вуйлатыше Юрий Зайцев участвоватлен. Форум вич кече эртен да республикыште самырык- влакын инициативыштым вияҥдаш полшышо пӱсын шоышо йодыш- влакым каҥашыме кӱлешан площадкыш савырнен. Шинчымашым пуышо программыже куд тематик трек дене шыҥдаралтын: «Госстарт», «Самырык- влакын йӱкышт», «Яллан проект- влак», «Креатив мастерской», «Самырык- влакын флагманышт», «Келшымашын тӱнямбал клубшо». Форум кышкарыште участник- влак мастар-классыш, презентацийлаш, тренинг да лекций занятийлашке, федерал, округысо да республикысе эксперт- влак дене вашлиймашке, тӱвыра-каныш, спорт да моло мероприятийлашке коштыныт.
Саламлымаш деч вара Республикым вуйлатыше сеҥыше- влак дене вашлийын: студент турист клуб гыч Евгения Иванова, Пашаче самырык тукымын образовательный слётшо гыч Иван Крусанов, оласе сем проектым ончыктышо Инна Плешакова, самырык еш- влаклан кумдык лӱм дене Юлия Развалова, «Ола арт-лабораторий» проектын авторжо Динара Шарафутдинова дене.
Фото: Марий Элым вуйлатышын администрацийжын увер дене пашам ыштыше пӧлкаже.
Саламлымаш деч вара Республикым вуйлатыше сеҥыше- влак дене вашлийын: студент турист клуб гыч Евгения Иванова, Пашаче самырык тукымын образовательный слётшо гыч Иван Крусанов, оласе сем проектым ончыктышо Инна Плешакова, самырык еш- влаклан кумдык лӱм дене Юлия Развалова, «Ола арт-лабораторий» проектын авторжо Динара Шарафутдинова дене.
Фото: Марий Элым вуйлатышын администрацийжын увер дене пашам ыштыше пӧлкаже.
