Йошкар-Олаш комбинироватлыме икымше корно машинам кондымо
Йошкар-Олаш олан кӱлешлыкшылан комбинироватлыме икымше корно машинам кондымо. Тыгай машинаже кокыт лийшаш. Телым нуно уремлам лум деч эрыкташ да шинчалан ошмам шаваш тӱҥалыт, а кеҥежым тыгыде кӱм, рокым, ошмам шупшыктат. Лишыл жапыште «Город» муниципал предприятийын технике паркше кок «УКМ- 2500» машине дене пойдаралтеш. Тиде шошым да кеҥежым шӱк-куштырам да ошмам погышо универсал коммунал машине. Тиде тений налме икымше, но пытартыш огыл коммунал технике,- палемден мэр Евгений Маслов.
Фото: Евгений Маслов.
Фото: Евгений Маслов.
