Йошкар-Олашке шым у автобусым кондымо

Йошкар-Олашке шым у автобусым кондымо
              Йошкар-Олашке шым у автобусым кондымо. «Троллейбус транспорт» муниципал предприятийын автопаркше идалык мучаш марте 40 у технике дене пойдаралтеш. Тиде тӱшка гыч шым автобусшым кондымо. Нине канде автобусым оласе калык пала. Нуно рӱдӧ олаштына шукертсек пашам ыштат. Транспорт министр Александр Герасименко палемен: маршрутышто коштшо автобус- влак шотышто сай шонымашым ойлат, калыклан келшат. Икте гына йодышым луктеш: автобус коклаште интервал кугурак. Тидыже лачак транспортын чотшо дене кылдалтын. Сандене Юий Зайцев автобус чотым ешараш задачым шынден. Тыге 40 транспортлан контрактым ыштыме ыле. Шымытше толын, арня жапыште эше 8-ым кондат, молыжо ноябрь мучаш марте толын шушаш.- увертарен министр. Кызыт эн ончыч толшо автобусшо- влак  у 4-ше П «Яметкино- «Ветеран» сад» маршрут дене каят. Молыжым шагал автобусан маршрутлашке шеледат. Иканаштак маршрутлашке водительым ситарыме йодыш виктаралтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски