Оршанке районышто Ошла эҥерыште вӱдаралтышым эрыктыме пашан икымше йыжыҥым ыштыме

Оршанке районышто Ошла эҥерыште вӱдаралтышым эрыктыме пашан икымше йыжыҥым ыштыме
              Оршанке районышто калыкле проект почеш Ошла эҥерыште вӱдаралтышым эрыктыме икымше йыжыҥым илышыш шыҥдарыме. Вӱд поянлык федерал агентствын Кӱшыл Юл бассейнын вӱд виктемжым вуйлатыше дене республикысе пӱртӱс поянлык министр Алексей Киселёв да подрядчикын еҥже дене Оршанке районышто вашлиймаш эртен. Нуно Оршанке районысо Изи Кугунур ял воктене Ошла эҥерыште вӱд аралтыш пундашым эрыктыме пашан кузе кайымыжым каҥашеныт. Вара паша момент- влакым нуно республикысе правительствыште Правительстве председательын алмаштышыже Дмитрий Троицкийын эртарыме совещанийыште умбакыже шуеныт. Палемдыме: кызыт вӱдаралтыш пундаш гыч шудым да погынышо йошкыным кораҥдыме. Тудыжо 38 тӱжем кубометрыш погынен. Пашам вес ийын мучашлаш палемдыме. Туге куд меҥге утла кужытым эрыктыме лиеш. Тидлан кӧра тиде кундемыште илыше тӱжем утла еҥын илышыже саемеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски