Республикысе калык «Кумылым шуктышо кож» акцийыш ушнен кертеш
Республикысе калык «Кумылым шуктышо кож» акцийыш ушнен кертеш. Тидлан 20-шо декабрь марте акцийын сайтыштыже йодмашым кодаш кӱлеш. Акцийын цельже- неле илыш саманыш логалше йоча- влаклан куаным да у ий юзо шижмашым пӧлеклымаш. Неле илыш йыжыҥыш логалше да начар тазалыкан йоча- влак у ийлан мом налаш шонымыштым шып гына таланен кертыт. Тидлан 20-шо декабрь марте акцийын сайтыштыже йодмашым кодыман. Шонымаш материальный, нематериальный да пӧлек-сюрприз семын лийын кертыт. Йоча- влакын У ий шонымашыштым республикысе кажне еҥ але организаций шуктен кертеш. Тидлан тений 5-ше декабрь гыч 2024-ше ий 31-ше декабрь марте елкажеланий.рф сайтыште виртуал кожышто йочан тыланымашыжым ойырен налаш кӱлеш. Тыгай акций элна мучко 2018-ше ий годсек эртаралтеш да порым ышташ шонышо тӱжем дене еҥым уша. «Кумылым шуктышо кож» акцийым Россий кӱкшытан «Мый денем пырля шукталтмым вучо» проект ден Российысе йоча ден самырык- влакын «Икымше- влакын толкынышт» ушемышт эртарат.
