Марий Элым вуйлатыше лӱмын эртарыме сар операций кундем гыч пӧртылшӧ боец- влаклан посна тӱткышым ойыраш задачым шынден
Марий Элым вуйлатыше лӱмын эртарыме сар операций кундем гыч пӧртылшӧ боец- влаклан посна тӱткышым ойыраш задачым шынден. Юрий Зайцев район администрацийлам вуйлатыше-влак дене совещанийым эртарен. Кугыжаныш пого министр Алексей Плотников увертарен: федерал законодательстве дене келшышын Российысе чыла регионышто капитально чоҥымо объект- влакын обязательный кадастр аклыме черетан туржо эртаралтын. Чылаже 480 объектлан кадастр акым пуымо. СВО-н участникше да нунын ешыштлан социал полыш мера- влак нерген радамлен паша да социал аралтыш министр Марина Островская каласкален. Марий Элым вуйлатыше Юрий Зайцев боец- влаклан законодательстве дене пеҥгыдемдыме чыла оксам жапыштыже пуымылан тӱткышым ойыраш кӱлеш манын палемден. Спорт-туризм министр Лидия Батюкова увертарен: «Пӱнчер» санаторийыште Марий Эл гыч доброволец- влаклан санаторно-курорт эмлымашым эрташ йӧным ыштыме. Тыгак Лидия Батюкова тыгак муниципал образованийлам вуйлатыше- влак деч эмлалташ полыш нерген боец- влаклан увертараш полышым йодын. Марий Элым вуйлатыше Юрий Зайцев социал полыш мерым шыҥдарыме пашам умбакыже шуяш кӱштен. Тидын годым СВО кундем гыч пӧртылшӧ боец- влаклан посна тӱткышым ойыраш кӱлеш манын.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
