Йошкар- Олаште 27-ше номеран кыдалаш школым капитально олмыкташ тӱналме

Йошкар- Олаште 27-ше номеран кыдалаш школым капитально олмыкташ тӱналме
             Йошкар- Олаште 27-ше номеран кыдалаш школым капитально олмыкташ тӱналме. Паша «Самырык тукым да йоча- влак» калыкле проект кышкарыште шукталтеш. 1976-шо ийын 26-шо ноябрьыште негызлыме тунемме тӧнеж тений 50 ияш лӱмгечыжым палемда.
             Ола мэрын пашажым шуктышо Антон Трудиновын  увертарымыже почеш, тошто зданий деч пырдыжше гына кодеш. Тӱрысынек инженер сеть вашталтеш: вӱдым ситарыме да вӱдым йоктарен колтымо, ырыктыме, южтарыме, электротулым ситарыме системым уэмдат. Школышто у окнам, омсам, тунемме оборудованийым шындат. Лӱдыкшыдымӧ лийже манын турникет дене видеоэскерыме системым верандат.
             Тошто конструкций- влакым рончаш тӱналме, пашазе- влак леведышым олмыкташ пижыныт, чоҥымо материалым конден шогат. Пашам кок кугу тунемме блокышто шуктыман. Тушто тӱжемат 600 йоча тунемеш. Подрядчик «Маристрой» ушемлан тыгай задачым шындыме: пашам 2027-ше ийын февральлан мучашлаш кӱлеш. Олмыктымо жаплан тунемше- влакым оласе моло школлаш кусарат.
           Фото: Йошкар-ола мэрий.

Прошлые выпуски