Йошкар-Олаште илыше- влак «Ола-Чодыра» паркым ышташ шонымашым поддержатленыт

Йошкар-Олаште илыше- влак «Ола-Чодыра» паркым ышташ шонымашым поддержатленыт
           Йошкар-Олаште илыше- влак «Ола-Чодыра» паркым ышташ шонымашым поддержатленыт. Ола администрацийыште ончыкылык паркын концепцийже шотышто  йодыштмашын лектышыжлан пӧлеклалтше пресс-конференций эртен. Журналист- влакын йодышыштлан ола мэрын пашажым шуктышо Антон Трудинов вашештен. Йодыштмаш Кугыжаныш полыш порталыште 1-ше гыч 8-ше июль марте эртен. Йодыштмашке шым тӱжемат 411 еҥ ушнен. Тушечын куд тӱжемат 637 еҥже але 89 утла процентше ойыртемалтше кумдыкым ыштымашым поддержатлен, лу утла процентше ваштареш лийын.
           Ен- влак "ышташ" манын гына огыл йӱкленыт, каҥашымашкат чолган ушненыт. Чылаже кок тӱжемат 77 темлымаш пурен. Эн шуко шонымашыже- йолешке ден веломаршрут- влакым ойыраш кӱлеш манын каласеныт, йоча ден спорт площадкылаште кызытсе жаплан келшыше шартышым пышташ, санитар объектлам да безбарьерный кумдыкым ышташ темленыт.. Чыла темлымашым пашаче группо ончен лектеш да лектышыже мэрийын сайтыштыже савыктыме лиеш. Антон Трудинов тӱҥ тат- влалкан тӱткышым ойырен: пляж кумдык ола ӱмбалне кодеш, яра лиеш, чыла коммунал инфраструктура оласе сеть деке ушалтеш, чурийым палыше системан видеокамера- влак вераҥдалтыт.
           Фото: Йошкар-Ола мэрий.

Прошлые выпуски