Марий Элым вуйлатышын «Еҥ- влакын инициативышт» проектше почеш 43 корно ужашым олмыктат
Марий Элым вуйлатышын «Еҥ- влакын инициативышт» проектше почеш 43 корно ужашым олмыктат. Республикыште программе почеш верысе инициативеш негызлалтше кундемлам вияҥдыме икымше 17 проектым илышыш шыҥдарыме. Экономически вияҥмаш министерствын инвестиций проектлам мониторитлыше пӧлкан тӱҥ специалист-экспертше Анна Юшкинан мутшо почеш июль тӱҥалтышлан Волжскышто, Силикатный ден Краснооктябрьский посёлкылаште, Шойбулак ден Шарача селалште да моло вереат пашам мучашлыме да ныл проектлан оксам ойырымо.
Тений чылаже республикыште 111 проект илышыш шыҥдаралтеш. Республикын бюджетше гыч субсидийын тӱшка кугытшо 141 миллионат 700 тӱжем теҥге нарыш погына. Калыкын тӱналтышыже почеш муниципалитетлаште йоча да спорт площадке- влак чоҥалтыт, кудвече, йолгорно, каныме вер- влак тӱзландаралтыт, аллей- сквер- влак сылнештаралтыт. Ял ден селалште лӱдыкшыдымӧ лийже манын уремлашке волгыдым пуртат, контейнер площадке- влакым вераҥдат.
Ончычсо семынак качестван корно- влак йодмаш дене пайдаланат. Тений 43 илемыште корно ужашлам асфальт але тыгыде кӱ дене тӧрлышаш улыт. Звенигово районышто 8, Медведево ден Шернур округышто 6 гыч, Волжский ден Советский районлаште визыт гыч ужашлам.
Кызытсе проект- влак гына огыл шыҥдаралтыт, уымат ямдылат. Тидлан погынымаш, каҥашымаш- влак эртаралтыт. 2027-ше ийыште проектлам шыҥдараш йодмашым 15-ше сентябрь деч вара пуаш тӱналыт, ойырен налме конкурс икымше ноябрь марте эрта, 12-шо ноябрь марте иктешлымашым ыштат. Тений шыҥдаралтше проект- влак кокла гыч корным олмыктымаш- 43-ыт, чапкӱм чоҥымаш да олмыктымаш-16, стадион ден спортплощадкылам тӱзландарымаш-10, йоча площадкылам чоҥымаш-7, шӱгарлам тӧрлымаш-7, уремым волгалтарымаш-6, контейнер площадкылам чоҥымаш-5, да молат улыт.
Эн кугу субсидийым налше вич проект радамыш пуреныт: Йошкар-Олаште Сталинград кучедалмашын Геройжо- влак уремыште ракет войскам ыштыме лӱмеш чапкӱм вераҥдымаш- куд миллион утла теҥге, Козьмодемьянскыште 8-ше март уремыште йолешке зоным тӱзландараш 5 миллион утла, Волжскышто Щербаков уремыште корным олмыктымаш кум миллион, тиде олаштак Мир урем дене шуко функциян спорт площадкым ышташ кок миллионат пеле, Козьмодемьянскысе кокымшо микрораойнышто йолешке корным ышташ кок миллион утла теҥге ойыралтеш.
Фото: Марий Элысе кӧргӧ политике министерстве.
Тений чылаже республикыште 111 проект илышыш шыҥдаралтеш. Республикын бюджетше гыч субсидийын тӱшка кугытшо 141 миллионат 700 тӱжем теҥге нарыш погына. Калыкын тӱналтышыже почеш муниципалитетлаште йоча да спорт площадке- влак чоҥалтыт, кудвече, йолгорно, каныме вер- влак тӱзландаралтыт, аллей- сквер- влак сылнештаралтыт. Ял ден селалште лӱдыкшыдымӧ лийже манын уремлашке волгыдым пуртат, контейнер площадке- влакым вераҥдат.
Ончычсо семынак качестван корно- влак йодмаш дене пайдаланат. Тений 43 илемыште корно ужашлам асфальт але тыгыде кӱ дене тӧрлышаш улыт. Звенигово районышто 8, Медведево ден Шернур округышто 6 гыч, Волжский ден Советский районлаште визыт гыч ужашлам.
Кызытсе проект- влак гына огыл шыҥдаралтыт, уымат ямдылат. Тидлан погынымаш, каҥашымаш- влак эртаралтыт. 2027-ше ийыште проектлам шыҥдараш йодмашым 15-ше сентябрь деч вара пуаш тӱналыт, ойырен налме конкурс икымше ноябрь марте эрта, 12-шо ноябрь марте иктешлымашым ыштат. Тений шыҥдаралтше проект- влак кокла гыч корным олмыктымаш- 43-ыт, чапкӱм чоҥымаш да олмыктымаш-16, стадион ден спортплощадкылам тӱзландарымаш-10, йоча площадкылам чоҥымаш-7, шӱгарлам тӧрлымаш-7, уремым волгалтарымаш-6, контейнер площадкылам чоҥымаш-5, да молат улыт.
Эн кугу субсидийым налше вич проект радамыш пуреныт: Йошкар-Олаште Сталинград кучедалмашын Геройжо- влак уремыште ракет войскам ыштыме лӱмеш чапкӱм вераҥдымаш- куд миллион утла теҥге, Козьмодемьянскыште 8-ше март уремыште йолешке зоным тӱзландараш 5 миллион утла, Волжскышто Щербаков уремыште корным олмыктымаш кум миллион, тиде олаштак Мир урем дене шуко функциян спорт площадкым ышташ кок миллионат пеле, Козьмодемьянскысе кокымшо микрораойнышто йолешке корным ышташ кок миллион утла теҥге ойыралтеш.
Фото: Марий Элысе кӧргӧ политике министерстве.
