Йошкар-Олаште автомагистральым ик ийлан ондак чоҥен шукташ шонат
Йошкар-Олаште автомагистральым чоҥымо пашам ик ийлан ондак мучашлаш шонат. Теҥгече Правительстве пӧртыштӧ Марий Элым вуйлатыше Александр Евстифеевын эртарыме совещанийыште уэш Киров ден Строитель уремлам ушен шогышо корным чоҥымо кӱлешан йодышым каҥашыме. Тушто рашемдыме: чоҥымо пашам шуктымашым ик ийлан 2023-шо гыч 2022-шо ийыш кусарыме. Тыгай решенийым Россий правительстве председательын алмаштышыже Марат Хуснуллин ден Марий Элым вуйлатыше Александр Евстифеевын декабрь мучашыште Москошто вашлиймышт годым лукмо. Республикым вуйлатыше палемден: тачысе кечылан шуко ыштыме, но жапым кусарымаш пашам писештарен колташ йодеш.
Транспорт да корно озанлык министр Александр Герасименко каласен: объектым чоҥымо пашам кок йыжыҥлан шелме. Икымше йыжыҥжым 2022-шо ийыште эксплуатацийыш налман. Ончылгоч шукташлан ик миллиард теҥге финанс лимитым тений кучылтман, вес ийын 760 миллионым. Лишыл жапыште конкурс процедуро- влак тӱҥалыт. «Марийскавтодорын» генеральный директоржо Евгений Козыревын мутшо почеш, подряд организаций икымше йыжыҥ пашам ончылгоч шукташ ямде. Александр Евстифееват пеҥгыдемден: вуйын шогышо- влак тений ик миллиард теҥгеаш пашам шукташ уло вийым пыштышаш улыт.
Транспорт да корно озанлык министр Александр Герасименко каласен: объектым чоҥымо пашам кок йыжыҥлан шелме. Икымше йыжыҥжым 2022-шо ийыште эксплуатацийыш налман. Ончылгоч шукташлан ик миллиард теҥге финанс лимитым тений кучылтман, вес ийын 760 миллионым. Лишыл жапыште конкурс процедуро- влак тӱҥалыт. «Марийскавтодорын» генеральный директоржо Евгений Козыревын мутшо почеш, подряд организаций икымше йыжыҥ пашам ончылгоч шукташ ямде. Александр Евстифееват пеҥгыдемден: вуйын шогышо- влак тений ик миллиард теҥгеаш пашам шукташ уло вийым пыштышаш улыт.
