Йошкар-Олаште «Автомобиль корнын нулевой меҥгыже» палым вераҥдыме

Йошкар-Олаште «Автомобиль корнын нулевой меҥгыже» палым вераҥдыме
              Йошкар-Олаште «Автомобиль корнын нулевой меҥгыже» палым вераҥдыме. Тыге рӱдӧ оласе Главпочтамт воктене Советский уремыште у арт-объект шочын. Палын покшелныже тӱнян ныл велжым ончыктышо компас верланен, тӱржым марий орнамент дене сӧрастарыме. Воктеныже Марий Эл да Российысе олалашке корным ончыктышо меҥгым вераҥдыме. Мутлан, Москошто 1996-шо ийыште вераҥдыме «Россий федерацийысе автокорнын нулевой меҥгыже» нерген шке легендыжат шочын; иктаж мом шонен пышташ да шола кид дене шола ваче гоч оксам кудалтыман, но тудо йыр оҥго гоч лектын вочшаш огыл. Ала ынде Йошкар-Олаштат иктаж-могай оҥайым шонен луктыт. Нулевой меҥгым вераҥдаш федерал почто кылын республикысе виктемже тӱналтышым ыштен. Тудым ышташ да вераҥдаш тыршыше- влаклан мэрий таум каласа.
            Фото: Евгений Кузнецов /Марийская правда.

Прошлые выпуски