Йошкар-Олаште Еш, йӧратымаш да ӱшанле улмо кечын еш мужыр- влакым саламлаш тӱҥалыт
Йошкар-Олаште Еш, йӧратымаш да ӱшанле улмо кечын еш мужыр- влакым саламлаш тӱҥалыт. Шушаш шуматкечын оласе калыкым да уна- влакым поян пайрем программе вуча. Тений пайрем мероприятий- влак Патриарший площадьыште гӱжлаш тӱҥалыт. 14 шагатлан «Город мастеров» почылтеш. 16 шагатлан торжественный ужаш да пайрем концерт тӱҥалеш. Вич ешым Республикым вуйлатышын «Икшыве- влакым кӱлеш семын ончен-куштымылан» Почётан знак дене палемдат, 17 мужырлан «Йӧратымылан да ӱшанле улмылан» медальым пуат. Вара «Талукын ешыже» конкурсышто сеҥыше- влакым да тиде кечын у ешым шочыкташ шонышо- влакым саламлат. 19 шагатлан сценыш пайремын унаже, мурызо Согдиана лектеш.
Фото: Марий Элын социал вияҥмаш министерствыже (архив).
Фото: Марий Элын социал вияҥмаш министерствыже (архив).
