Республикыште боевой действийлан ветераныштын кечыжым палемдыме

Республикыште боевой действийлан ветераныштын кечыжым палемдыме
                Юрий Зайцев боевой действийлан ветераныштлан сарзе порысым чаплын шуктымыштлан таум каласен. Марий Элым вуйлатыше шуматкечын Калык- влакын келшымаш пӧртыштышт боевой действийлан ветеранышт дене вашлиймашым эртарен. Тиддеч ончыч тудо «Геройын пелашыже. Геройын аваже» фото выставкым ончен лектын. Тиде фотопроектыште тӱҥ геройжо ӱдырамаш- влак улыт. Нунын пелашышт  кызыт СВО кундемыште улыт але вуйыштым пыштеныт. Тушто республике гыч 40 утла ӱдырамаш участвоватлен. Ончерыш военнослужащий-влаклан полшышо мер фондын исполнительный директоржо Екатерина Колотовкина толын. Тудо кодшо ийын фотопроектлан тӱҥалтышым ыштен. Тудын мутшо почеш акцийыш 70 утла регион ушнен. А республикыште проектым ямдылыше Елена Чемоданова тиде акцийым республикыште эртараш полшымылан Юрий Зайцевлан тауштен. Йыргешке ӱстел йыр вашлийме годым Марий Элым вуйлатыше погынышо- влакым боевой действийлан ветераныштын пайремышт дене саламлен. Мероприятий мучашыште боевой действийлан ветераныштын удостоверенийжым да наградым кучыктен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски