Йошкар-Олаште марий йылмын цифровизаций проектше дене палдареныт

Йошкар-Олаште марий йылмын цифровизаций проектше дене палдареныт
               Йошкар-Олаште марий йылмын цифровизаций проектше дене палдареныт. Республикылан 105 ий темме вашеш Яндекс марий йылмын синтезше да марий ойым пален кертше технологийым ончыктен. Тиде кодшо ийын регион ден компаний коклаште вашкыл нерген пеҥгыдемдыме соглашенийын лектышыже лийын. Марий Элым вуйлатыше калыкле тӱвырам арален кодымаште да шарен колтымаште проектын кӱлешлыкшым палемден. Ынде мемнан йоҥгышо марий йылмым умылышо да тудлан вашештен кертше сервисна уло. Тудо шинчымашым налаш, мутланаш, йылмым арален кодаш кугу йӧным почеш. Тыгай проект цифран саманыште марий йылмым вияҥдымашке пыштыме кугу надыр. Республикын 105 ияш лӱмгечыжлан кӱлешан да символан пӧлек,- каласен Юрий Зайцев. Ынде Кусаркалыше, Браузер да Клавиатура дене пайдаланыше- влак  марий йылме гыч вашмутланымашым вигак кусарен, печатлаш йӧн уке годым йӱкан ойымат шынден кертыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски