Йошкар-Олаште очистной сооружений гыч осал пуш шарлаш ок тӱҥал

                       Канализацийын очистной сооруженийлаштыже пужен ыштыме паша умбакыже шуйна. 2020-шо ийыште «Водоканал» МУП пӱртӱсым аралыме мероприятийлан 14 миллион наре теҥге оксам колтен. Тиде шийвундо дене тошто оборудованийым вашталтыме, кучылтмо вӱдым биологически эрыктыме паша кая, у фильтр-прессым налме. Кызыт тыгак административно-бытовой корпусым, леведышым, кӧргыштӧ изирак олмыктымо пашам шуктат. У прессым пашаш колтымо дене, пунчалме йошкынын качествыже саемын. Вӱдыжгыжӧ шагалеммылан кора, пеле кукшо йошкыным транспорт гыч вигак машинаш оптен колташ лиеш. Ондак тиде йошкыным бетон площадкыш оптымо, тудо шӱяш тӱҥалын да пуш шарлен. Ынде технологий вашталтын. Цехыште ешартыш оралтым чоҥымо. Тушто машинаш оптымо йошкын кузовыш кылмен ок пиж. Тыге йошкыным очистной сооружений кундемыште огыт опто, а карьерыш наҥгаят. Олашке осал пуш ок шарле. Тиддеч посна «Ару Юл» федерал программе кышкарыште паша шукталтеш. Южым пуышо станцийын зданийже ямде, подстанций чоҥалтеш, отстойникын кокымшо черетше чоҥалтеш.

Прошлые выпуски