Марий Элыште Россий тазалыкаралтыш министерствын специалистше- влак пашам ыштеныт

Марий Элыште Россий тазалыкаралтыш министерствын специалистше- влак пашам ыштеныт
             Марий Элыште кок кече жапыште Россий тазалыкаралтыш министерствын терапий да профилактике медицинын шанче медицина шымлыме рӱдержын специалистше- влак пашам ыштеныт. Нуно республикысе калыклан икымше медико-санитар полышым пуымо йодышым, кугыеҥ- влаклан диспансеризацийым да профилактике осмотрым эртарымым, короновирус дене черланен лекше- влаклан келге диспансеризацийым, хронический инфекцийдыме черан пациент- влакым диспансер эскерымашым лончыленыт. Каҥашыме ик йодышыжо- калыкын тазалыкыштыже мер тазалыкын рольжо нерген йодыш лийын. Тиде- кумда умылымаш. Тушто кӱлешан рольым муниципалитет- влак модыт. Молан манаш гын, калыкын воранен  илымыже подылмо, тамакам, газированный йӱыш- влакым ужалкалыме верлам куш вераҥдыме дечат шога. Тӱрлӧ кундемын илышыже ончыкта: муниципалитет- влак мер тазалыкым вияҥдымаште шке рольыштым умылат гын, эше таза илыш йӱлам шарен колташ, спортым вияҥдащ, осал койыш деч кораҥаш тыршымаш уло гын, роскот шагалемеш да парыш кугем толеш. Тидын дене кылдалтын, муниципалитет- влакым вуйлатыше-шамычлан тунеммашым эртараш кӱлешлык йодышымат каҥашыме.
           Фото: Марий Элын тазалыкаралтыш министерствыже.

Прошлые выпуски