Йошкар-Олаште «Ӱярня арня» фестиваль лиеш
Йошкар-Олаште «Ӱярня арня» фестиваль лиеш. Йошкар-Ола администраций пайремын программыжым савыктен. Тиде шошо пайрем «Школьник- влаклан калык тӱвыра» Россий кӱкшытан проект кышкарыште лиеш. Олаште мероприятий- влак 6,7,8,13 да 14-ше мартыште лийыт. Пайремлыме тӱҥ площадкыже рӱдӧ каныме парк лиеш, кажне мероприятий 12 шагатлан тӱҥалеш. Тушто ойыртемалтше фольклор программе лийшаш. Мутлан, маска вынемым кычалмаш, маска дене кучедалмаш. Модшо- влаклан чай йӱмӧ вер ямдылалтеш.
Марий Ӱярня пӱртӱсым помыжалташ да чонаҥдаш полша. Марий – влакын шошо календарьышт Ӱярня пайрем дене почылтеш, шке тӱҥалтышыжым акрет жап гычак налеш. Тудо Шорыкйол деч вара шым арня гыч пайремлалтеш- февраль мучашыште але март тӱҥалтышыште у тылзе шочмеке палемдалтеш. Пайремым шочмын тӱҥалыт да ик але кок арня пайремлат. Йӱла ял озанлык паша дене кылдалтын. Пӱртӱсым помыжалтараш, мландын шочыктен кертше вийжым пӧртылташ, ешын озанлык поянлыкшым ышташ, ешым да шке озанлыкым осал шӱлыш да вий деч арлаш тыршымашым ончыкта. Пайремыш ийготым ончыде чыла ял калык ушнен. Пайремын тӱҥ ужашыже- ийкурык гыч мунчалтымаш лийын. Курык гыч издер, пуым шупшыктымо тер, ий тер дене мунчалтен воленыт. Ӱдырамаш- влак шурно лектышым кугемдаш, озанлык пашам ворандараш манын кӱнчылавондым, портышым, уржа кылтам кучылтыныт. А самырык- влак курык мучко ломаш варам пыштеныт да тушеч ваш шогал мунчалтеныт, кужытшо 150-200 метрышкат шуын. Посна верым имне дене тереш шинчыш кудалштмаш налын. Самырык еш мужыр дене тереш верланен, ешым чумырыдымо- влак икмыняр еҥ дене шинчыныт. Тыге ял гыч ялыш йыр коштыныт. Кудалыштше- влакын чотышт ялын кугытшо деч шоген: визыт гыч 20 тер мартеат шуын. Марий Ӱярнян ик тӱҥ ужашыже унам вашлийме да унаш коштмо дене кылдалтын. Уна- влакым кинде шинчал, ӱян мелна, пура да пӱрӧ дене сийленыт. Пайремын пытартыш кечынже Ӱярня дене чеверласеныт. Пайрем чучылым йӱлалтыме годым «Ӱярня каен! Вес ийлан адак тол!» манын юарленыт.
Марий Ӱярня пӱртӱсым помыжалташ да чонаҥдаш полша. Марий – влакын шошо календарьышт Ӱярня пайрем дене почылтеш, шке тӱҥалтышыжым акрет жап гычак налеш. Тудо Шорыкйол деч вара шым арня гыч пайремлалтеш- февраль мучашыште але март тӱҥалтышыште у тылзе шочмеке палемдалтеш. Пайремым шочмын тӱҥалыт да ик але кок арня пайремлат. Йӱла ял озанлык паша дене кылдалтын. Пӱртӱсым помыжалтараш, мландын шочыктен кертше вийжым пӧртылташ, ешын озанлык поянлыкшым ышташ, ешым да шке озанлыкым осал шӱлыш да вий деч арлаш тыршымашым ончыкта. Пайремыш ийготым ончыде чыла ял калык ушнен. Пайремын тӱҥ ужашыже- ийкурык гыч мунчалтымаш лийын. Курык гыч издер, пуым шупшыктымо тер, ий тер дене мунчалтен воленыт. Ӱдырамаш- влак шурно лектышым кугемдаш, озанлык пашам ворандараш манын кӱнчылавондым, портышым, уржа кылтам кучылтыныт. А самырык- влак курык мучко ломаш варам пыштеныт да тушеч ваш шогал мунчалтеныт, кужытшо 150-200 метрышкат шуын. Посна верым имне дене тереш шинчыш кудалштмаш налын. Самырык еш мужыр дене тереш верланен, ешым чумырыдымо- влак икмыняр еҥ дене шинчыныт. Тыге ял гыч ялыш йыр коштыныт. Кудалыштше- влакын чотышт ялын кугытшо деч шоген: визыт гыч 20 тер мартеат шуын. Марий Ӱярнян ик тӱҥ ужашыже унам вашлийме да унаш коштмо дене кылдалтын. Уна- влакым кинде шинчал, ӱян мелна, пура да пӱрӧ дене сийленыт. Пайремын пытартыш кечынже Ӱярня дене чеверласеныт. Пайрем чучылым йӱлалтыме годым «Ӱярня каен! Вес ийлан адак тол!» манын юарленыт.
