Йошкар-Оласе эмлыме вер ЭКМО- экстракорпоральный мембранный оксигенаций аппаратым налын
Йошкар-Оласе эмлыме вер ЭКМО- экстракорпоральный мембранный оксигенаций аппаратым налын. Тудо 7 миллион теҥгем шога. Оксам Россий правительствын резерв фондшо пуэн. Коронавирусын пандемийже ончыктен: тыглай огыл пневмоний годым черлым шӱлымӧ аппарат деке ушаш логалеш. ИВЛ шодышко кукшо кислородым пуа да углекислый газым тулен луктеш. Чот нелын черланыме годым ИВЛ полшен ок керт. Тидын годым лач ЭКМО полышым пуа. Тудо пӱтынек шодын сомылжым шукта. Пациентын вӱржым вена гыч налеш, ЭКМО аппаратыш пурта, углекислый газ деч эрыкта, кислород дене пойдара да пациентлан пӧртылта. Врач- влаклан тиде аппарат ден эше пайдаланаш тунемаш кӱлеш.
