Юрий Зайцев специальный сарзе операцийыште участвоватлыше военнослужащий- влакын ешыштлан ешартыш социал полыш- влакым палемден

           Оксам тӱлыде шокшо кочкышым пукшымаш, йоча садлаште верым черет деч посна пуымаш, санатор-курорт эмлымаш да молат: Юрий Зайцев специальный сарзе операцийыште участвоватлыше военнослужащий- влакын ешыштлан ешартыш социал полыш- влакым палемден. Тидын шотышто Марий Элым вуйлатышын Указым таче савыктыме. Документ почеш военнослужащийын ешыже гыч икымше да кокымшо группан инвалид илалше еҥ- влаклан мӧҥгыштышт социал полыш пуалтеш, стационар организацийлашке черет деч посна колталтыт, «Кичиер» Санаторийыш» санатор-курорт эмлалташ черет деч посна колтат, военнослужащийын йочашт «Журавушка» рӱдерыш оксам тӱлыде черет деч посна оксам тӱлыде каналташ да тазалыкым пеҥгыдемдаш колталтыт, кыдалаш профессионал тунемме тӧнежлаште тунемше студент- влак кечывал кочкышым оксам тӱлыде кочкын кертыт, школ деч ончычсо туныктымо программым пуышо тӧнежлашке йоча- влакым черет деч посна налыт да молат. Военнослужащийын ешыжлан пуымо социал полышын тичмаш переченьжым официальный сайтыште лудын кертыда.
             Фото: Марий Элым вуйлатышын организаций да аналитик виктемже.

Прошлые выпуски