3-шо сентябрьыште Российын воин чап кечыже палемдалтеш

          Республикысе калыкым Кокымшо тӱнямбал сарын мучашлалтме кечыжылан онлайн-программыш ӱжыныт. Тудым Москосо Сеҥымаш тоштер ямдылен. 3-шо сентябрьыште тоштерын сайтыштыже интернет дене пайдалныше- влакым Кокымшо тӱнямбал сарын пытартыш йыжыҥже- 1945-ше ий августышто Японий ваштареш СССР-ын кредалмыже нерген виртуал экскурсий, лекций- влак вучат. 3-шо сентябрьыште Российын воин чап кечыже палемдалтеш- 1945-ше ийыште Кокымшо тӱнямбал сарын мучашлалтмыже. Тунам 2-шо сентябрьыште «Миссури» американ линкорын бортыштыжо Японийын каптулироватлалтмыже нерген актым пеҥгыдемдыме. Актым союзный кугыжаныш- влакын, Японий дене кредалше СССР-ын еҥышт пеҥгыдемденыт. Тиде документ Японий дене сар пытыме нерген гына огыл, а 1939-ше ийын 1-ше сентябрьыште фашист Германийын Польшыш керылт пурымыжо дене тӱналше кокымшо Тӱнямбал сарын мучашлалтмыжым ончыктен.
            Фото: ФГБУК «Сеҥымаш Тоштер».

Прошлые выпуски