Йошкар-Оласе аграрный колледж негызеш ял озанлык аланыште тунемме да производство кластерым ыштат
Йошкар-Оласе аграрный колледж негызеш ял озанлык аланыште тунемме да производство кластерым ыштат. Пырля паша нерген тыгай соглашенийым теҥгече Юлтехыште пеҥгыдемдыме. Соглашений тунемме тӧнеж, предприятий –партнёр, кресаньык- фермер озанлык- влакын марий ассоциацийжын вийыштым иктеш уша. Партнёр-предприятий семын вӱдышӧ 9 ял озанлык предприятийым ойырен налме. Тиде- «Семёновский» ден «Шойбулак», «Первый май» ден «Победа», «Лукоз» ден «Искра», Киров лӱмеш да «Колос» агрофирма, «Казанский» да ныл кресаньык озанлык- Балашован, Гусевын, Плотниковын, Козловын, эше кок ял озанлык потребкооператив- «Агрорегион» ден «Овощной лагуна». Соглашенийын цельже- кадрым вяҥдымаш да ял озанлыклан кадрым ямдылыме пайдале системым ыштымаш, наставничестве пашам шарен колтымаш, выпускник- влаклан паша верым пуымаш, тунемме тӧнеж- влакын материально-технический базыштым уэмдымаш.
Юлтехын фотожо.
Юлтехын фотожо.
