Марий Элысе сайлыме комиссий- влакын еҥышт кугу пашалан ямдылалтыт

               Марий Элысе сайлыме комиссий- влакын еҥышт кугу пашалан ямдылалтыт. Единый сайлыме кечым 11-ше сентябрьлан палемдыме. Тидын вашеш МВД пашаеҥ-влак территориальный да участковый сайлыме комиссийлан еҥышт дене республикым вуйлатышым сайлымашлан ямдылалтме да тудым эртарен колтымо шотышто ӧрдыжтӧ туныктымо семинар-свещаний- влакым эртарат. Муниципалитетыште ЦИК-ын ямдылыме икымше семинар У Торъял посёлкыште эртен. Районысо участковый сайлыме комиссий- влакын вуйлатышышт, алмаштышышт да секретарьышт сайлымашым эртарыме ойыртемым да законодательствым шымленыт. Сайлыме пӧлемлаште вучыдымо ситуаций годым да терроризм шотан лӱдыкшӧ лекме годым правам аралыше орган да сайлыме участке- влакын еҥыштын мом ыштышашыштым умылтарыме. Кеч-кузе ситуаций вияҥеш гынат, сайлыме комиссийым вуйлатыше вигак правам аралыше органыш увертарышаш, а сайлыме кечын ОВД-н сотрудникшылан, сайлыше комиссийын еҥже да толшо еҥ- влаклан, кӱшнырак шогышо сайлыме комиссийыш шижтарышаш улыт. Тыгаяк семинар- влак Оршанке ден Куженерыште эртеныт. Погынышо- влак сайлымаш кечын  комиссийын паша радамже деч посна пӧлем деч вес верыште йӱклымӧ, иктешлымашым ыштыме, видеофиксацийын пашаже нерген мутланеныт.
           Фото: МВД-н пресс-службыжо.

Прошлые выпуски