«Валдай» коштмым чарнен

             Угарман гыч Козьмодемьянскыш «Валдай»- влакын навигацийышт мучашлалтын. Тидын нерген «Водолёт» судоход компаний увертарен. Тыгай решенийым кечын кӱчыкеммыжлан кӧра лукмо. Лӱдыкшыдымылык правил почеш «Валдай» волгыдо жапыште гына коштшаш. Козьмодемьянскыш, Чебоксарыш да Юрьевецыш навигацийым мучашлымаш тыгак Горький да Чебоксар вӱдаралтышыште кугу толкын лийшаш денат кылдалтын. Экскурсий маршрут- влакым эше кораҥдыме огыл. «Валдай» дене тыгак Угарман гыч Юрино марте толаш да Шереметев замкым ончаш лиеш.

Прошлые выпуски