7-ше П номеран автобус маршрут шотышто калык йӱклымаш мучашлалтын

7-ше П номеран автобус маршрут шотышто калык йӱклымаш мучашлалтын
           Йошкар-Олаште 7-ше П номеран автобус маршрут шотышто калык йӱклымаш мучашлалтын. Ушештарена: тиде маршрут шотышто пурышо темлымаш ден замечаний- влакым лончылен, министерстве ден троллейбус транспорт муниципал предприятий пырля коштмо схемын ныл вариантшым ямдыленыт да тӱшка йӱклымашке луктыныт. Йӱклымашке куд тӱжемат 406 еҥ ушнен. Йӱклымаш почеш кокымшо вариантше сеҥышыш лектын. Тудын верч кум тӱжемат 132 еҥ шке йӱкшым пуэн, а икымше вариант верч кум тӱжемат ик еҥ йӱклен. Иктешлыше решенийым транспорт министерстве луктеш.
            Фото: МариМедиа.

Прошлые выпуски