Уло Россий мучко 100 тӱжем еҥ иканаште куржталмашке ушна
Шушаш ийын 31-ше майыште Российысе 85 субъектыште иканаште «Забег.РФ» ойыртемалтше полумарафон тӱҥалеш. Лач 9 шагатлан 100 тӱжем еҥ стартыш лектеш. Нуно икте, визыт, лу меҥгыш да полумарфон кужытыш 21 меҥгат 100 метрыш куржыт. Тичмаш кужытшо кум тӱжем утла меҥгыш погына. Тиде полумарафон кажне ийын эртаралтеш. Проектын ойыртемалтше мероприятийже- Российын «Куржталше рӱдолаже» ойыралтеш. 2017-ше да 2018-ше ийлаште тиде лӱмым Озаҥ ола сеҥен налын. Тений тиде лӱмым Владивостоклан пуымо. Ойырен налме кум условий уло. Тиде- куржталше- влакын мыняр кужытым эртымышт, тӱшка калык чотым налын, мыняр еҥын куржталмыже да куржатлше- влакын кокла скоростьышт. Тиде проектым эсогыл Гиннес рекорд книгаш пурташ йодмашым пуымо.
