Марий Элыште икымше гана «Шкалан шке туроператор» путеводительым лукмо
Республикыште икымше гана «Сам себе туроператор» Марий Эл мучко кошташ туныктышо путеводительым ыштыме. Тудым бедекер формат дене лукмо. Вес семынже ойыртемалтше вер- влак, тӱрлӧ кундем, маршрут нерген каласкалыше уверым вераҥдыме, путешественник- влаклан справочный увер уло. Материалым погаш да ямдылаш ик ий наре жап каен. Йошкар-Оласе шанчыеҥ, книгагудо, турист рӱдерын, тоштерын, тӱвыран пашаеҥышт дене шуко мутланаш верештын. Путеводительым 500 экземпляр дене лукмо. Тыгак электрон вариантшым Чавайн лӱмеш калыкле книгагудын сайтыштыже вераҥдыме. Проектын презентацийже таче лийын.
